ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠳᠤ ᠨᠠᠮ ᠪᠠᠢᠭᠤᠯᠤᠭᠳᠠᠭᠰᠠᠨ 98 ᠵᠢᠯᠤᠨ ᠤᠢ ᠵᠢᠴᠢ ᠱᠢᠨᠡ ᠳᠤᠮᠳᠠᠳᠤ ᠤᠯᠤᠰ ᠪᠠᠢᠭᠤᠯᠤᠭᠳᠠᠭᠰᠠᠨ 70 ᠵᠢᠯᠤᠨ ᠤᠢᠶᠢ ᠪᠡᠯᠭᠡᠯᠡᠵᠦ᠂ ᠱᠢᠨᠡ ᠪᠠᠢᠳᠠᠯ ᠳᠣᠤᠷᠠᠬᠢ ᠨᠠᠮᠤᠨ ᠬᠡᠱᠢᠬᠦᠨᠦ ᠨᠠᠮᠴᠢ ᠬᠡᠪ ᠪᠣᠯᠪᠠᠰᠤᠷᠠᠯᠢ ᠳᠡᠭᠡᠭᠱᠢᠯᠡᠭᠦᠯᠦᠨ᠂ ᠨᠠᠮᠤᠨ ᠭᠡᠱᠢᠭᠦᠨᠦ ᠡᠬᠡ ᠣᠷᠤᠨᠴᠢ ᠦᠵᠡᠯ ᠤᠬᠠᠮᠰᠠᠷ ᠪᠣᠯᠤᠨ ᠲᠡᠦᠬᠡᠶᠢᠨ ᠬᠠᠷᠢᠭᠤᠴᠠᠯᠭᠠᠳᠤ ᠰᠡᠳᠭᠢᠯᠭᠡᠶᠢ ᠨᠡᠮᠡᠭᠳᠡᠭᠦᠯᠵᠦ᠂ ᠦᠨᠳᠦᠰᠦᠨ ᠱᠠᠳᠤᠨᠤ ᠨᠠᠮᠤᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠳᠠᠶᠢᠨ ᠢᠳᠡᠪᠬᠢᠵᠢᠯᠢ ᠬᠦᠭᠵᠢᠬᠡᠨ᠂ ᠪᠦᠯᠬᠦᠮ ᠨᠡᠢᠳᠡᠶᠢᠨ ᠨᠢᠭᠳᠠᠷᠠᠯᠤᠨ ᠬᠦᠴᠦᠨ ᠬᠢᠭᠡᠳ ᠪᠠᠢᠯᠳᠤᠬᠤ ᠬᠦᠴᠦᠨᠢ ᠳᠡᠭᠡᠭᠱᠢᠯᠡᠭᠦᠯᠬᠦᠶᠢᠨ ᠳᠥᠯᠦᠭᠡ᠂ 6 ᠰᠠᠷᠠᠶᠢᠨ 28ᠦ ᠡᠳᠦᠷᠤᠨ ᠦᠳᠡᠶᠢᠨ ᠡᠮᠦᠨᠡ ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠦᠨ ᠨᠠᠮᠤᠨ ᠡᠭᠦᠷ᠂ ᠥᠪᠦᠷ ᠮᠣᠩᠭᠤᠯᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠬᠡᠪᠯᠡᠯᠦᠨ ᠬᠣᠷᠢᠶᠠᠨᠤ ᠨᠠᠮᠤᠨ ᠡᠭᠦᠷ ᠵᠡᠷᠭᠡ ᠳᠣᠯᠤᠭᠠᠨ ᠨᠠᠮᠤᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠳᠠ ᠬᠠᠮᠳᠤᠷᠠᠨ 《ᠳᠣᠯᠤᠭᠠᠨ ᠰᠠᠷᠠᠶᠢᠨ ᠨᠢᠭᠡᠨ》 ᠢ ᠪᠡᠯᠭᠡᠯᠡᠨ 《ᠤᠭ ᠰᠠᠨᠠᠭᠠᠪᠠᠨ ᠦᠯᠦ ᠮᠠᠷᠳᠠᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠪᠠᠨ ᠪᠠᠳᠤ ᠴᠡᠭᠡᠵᠢᠯᠡᠬᠦ》 ᠭᠣᠤᠯ ᠰᠡᠳᠦᠪᠳᠤ ᠨᠠᠮᠤᠨ ᠡᠳᠦᠷᠦᠨ ᠠᠵᠢᠯᠯᠠᠭᠠᠶᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠦ ᠥᠷᠨᠢᠭᠦᠯᠪᠡ᠃
ᠲᠤᠰ ᠠᠵᠢᠯᠯᠠᠭᠠᠨᠢ ᠭᠢᠯᠪᠢᠭᠡᠨ ᠺᠢᠨᠤ᠋ᠶᠢᠨ ᠬᠡᠯᠪᠡᠷᠢᠪᠠᠷ ᠶᠠᠪᠤᠭᠳᠠᠵᠦ᠂ ᠨᠠᠮᠢᠷᠠᠨ ᠮᠠᠨᠳᠤᠬᠤ ᠳᠠᠪᠤᠨ ᠤᠳᠤᠳᠤ ᠤᠯᠠᠭᠠᠨ ᠳᠤᠭᠤᠨ ᠳᠣᠤᠷᠠ ᠬᠥᠳᠡᠯᠭᠡᠭᠡᠨᠦ ᠬᠥᠱᠢᠭᠡ ᠢᠷᠠᠨ ᠨᠡᠭᠡᠭᠡᠭᠳᠡᠯᠡ᠃ ᠤᠶᠠᠩᠭᠠ ᠳᠠᠭᠤᠨᠤ ᠠᠶᠠᠯᠭᠤ᠂ ᠤᠷᠠᠨ ᠱᠢᠯᠦᠭᠦᠨ ᠤᠩᠱᠢᠯᠭᠠ᠂ ᠪᠠᠶᠠᠨ ᠬᠤᠭᠤᠷᠤᠨ ᠡᠭᠡᠱᠢᠭ᠂ ᠪᠠᠶᠠᠰᠤᠯᠳᠤ ᠪᠥᠵᠢᠭᠦᠨ ᠨᠠᠬᠢᠯᠵᠠᠭᠠᠪᠠᠷ ᠪᠦᠬᠦ ᠦᠵᠡᠭᠳᠡᠯ ᠪᠦᠷᠢᠳᠦᠨ ᠳᠡᠯᠭᠡᠭᠳᠡᠵᠦ᠂ ᠢᠷᠠᠭᠤ ᠡᠭᠡᠱᠢᠭᠯᠢᠭ ᠢᠯᠳᠠᠮᠬᠠᠨ ᠲᠣᠭᠯᠠᠯᠳᠠᠪᠡᠷ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠪᠠᠨ ᠪᠠᠳᠤ ᠴᠡᠭᠡᠵᠢᠯᠡᠨ ᠦᠢᠯᠡᠰᠦᠨ ᠭᠠᠷᠤᠭᠠᠨᠳᠤ ᠮᠡᠷᠡᠢᠨ ᠵᠢᠳᠭᠦᠭᠡ ᠥᠷᠭᠡᠨ ᠤᠯᠠᠨ ᠨᠠᠮᠤᠨ ᠭᠡᠱᠢᠭᠦᠨ ᠠᠵᠢᠯᠳᠠᠨᠤ ᠴᠠᠭ ᠦᠶᠡᠶᠢᠨ ᠬᠠᠮᠤᠭᠤᠨ ᠴᠢᠩᠭᠠ ᠳᠠᠭᠤᠨᠢ ᠴᠤᠤᠷᠢᠶᠠᠳᠤᠭᠤᠯᠵᠦ᠂ ᠨᠠᠮ ᠮᠡᠨᠳᠦᠯᠡᠭᠰᠡᠨ ᠪᠠᠶᠠᠷᠤᠨ ᠡᠳᠦᠷ ᠪᠠ ᠠᠭᠤᠤ ᠶᠡᠬᠡ ᠡᠬᠡ ᠤᠯᠤᠰᠲᠤᠪᠠᠨ ᠴᠢᠩ ᠦᠨᠡᠨ ᠬᠦᠰᠡᠯ ᠵᠥᠩᠨᠡᠯᠢᠶᠡᠨ ᠡᠷᠭᠦᠨ ᠪᠠᠷᠢᠪᠠ᠃
ᠡᠨᠡ ᠤᠳᠠᠭᠠᠨᠤ ᠭᠣᠤᠯ ᠰᠡᠳᠦᠪᠳᠤ ᠨᠠᠮᠤᠨ ᠡᠳᠦᠷᠦᠨ ᠠᠵᠢᠯᠯᠠᠭᠠᠨᠢ ᠨᠠᠮᠤᠨ ᠭᠡᠱᠢᠭᠦᠨ ᠤᠯᠠᠨ ᠳᠦᠮᠡᠨᠦ ᠤᠯᠠᠭᠠᠨ ᠭᠧᠨᠢ ᠤᠯᠠᠮᠯᠠᠨ ᠵᠠᠯᠭᠠᠮᠵᠢᠯᠠᠵᠦ᠂ ᠡᠬᠡ ᠣᠷᠤᠨᠴᠢ ᠦᠵᠡᠯ ᠰᠡᠳᠭᠢᠯᠭᠡ᠂ ᠡᠬᠡ ᠣᠷᠤᠨᠴᠢ ᠵᠣᠷᠢᠭ ᠰᠠᠨᠠᠭᠠᠶᠢ ᠪᠤᠢ ᠪᠣᠯᠭᠠᠨ ᠪᠠᠳᠠᠷᠠᠭᠤᠯᠬᠤᠳᠤ ᠴᠢᠬᠤᠯᠠ ᠰᠤᠷᠭᠠᠨ ᠬᠥᠮᠦᠵᠢᠭᠦᠯᠬᠦ ᠠᠴᠢ ᠬᠣᠯᠪᠤᠭᠳᠠᠯᠲᠠᠢ ᠪᠠᠢᠵᠦ᠂ ᠨᠠᠮᠤᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠳᠠᠶᠢᠨ ᠳᠦᠪᠯᠡᠩᠭᠦᠢ ᠬᠦᠴᠦᠨ᠂ ᠨᠢᠭᠳᠠᠷᠠᠯᠤᠨ ᠬᠦᠴᠦᠨᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠳᠡᠭᠡᠭᠱᠢᠯᠡᠭᠦᠯᠦᠨ᠂ 《ᠤᠭ ᠰᠠᠨᠠᠭᠠᠪᠠᠨ ᠦᠯᠦ ᠮᠠᠷᠳᠠᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠪᠠᠨ ᠪᠠᠳᠤ ᠴᠡᠭᠡᠵᠢᠯᠡᠬᠦ》 ᠭᠣᠤᠯ ᠰᠡᠳᠦᠪᠳᠤ ᠬᠥᠮᠦᠵᠢᠯᠳᠤ ᠮᠥᠨ ᠱᠢᠯᠢᠳᠡᠭ ᠰᠠᠢᠨ ᠣᠷᠴᠢᠨᠢ ᠴᠤᠭᠴᠠᠯᠠᠵᠦ ᠥᠭᠭᠦᠭᠰᠡᠨ ᠪᠠᠢᠨᠠ᠃ ᠪᠢᠳᠡ ᠦᠷᠭᠦᠯᠵᠢᠯᠡᠨ ᠢᠳᠡᠭᠡᠯ ᠬᠦᠰᠡᠯᠢᠶᠠᠨ ᠪᠠᠳᠤᠳᠭᠠᠨ᠂ ᠤᠭ ᠰᠠᠨᠠᠭᠠ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠪᠠᠨ ᠪᠠᠷᠢᠮᠳᠠᠯᠠᠵᠦ᠂ ᠤᠯᠤᠰ ᠳᠦᠷᠦᠶᠢᠨ ᠬᠡᠪ ᠪᠣᠯᠪᠠᠰᠤᠷᠠᠯ ᠪᠣᠯᠤᠨ ᠳᠤᠬᠠᠢᠯᠠᠭᠰᠠᠨ ᠠᠵᠢᠯᠤᠨ ᠴᠢᠳᠠᠪᠤᠷᠢᠪᠠᠨ ᠳᠠᠰᠤᠷᠠᠯᠳᠠᠦᠭᠡᠢ ᠳᠡᠭᠡᠭᠱᠢᠯᠡᠭᠦᠯᠦᠨ᠂ ᠣᠷᠭᠢᠯᠤᠮᠠ ᠬᠠᠯᠠᠭᠤᠨ ᠵᠣᠷᠢᠭᠢᠶᠠᠷ ᠠᠵᠢᠯ ᠦᠢᠯᠡᠰᠲᠤᠪᠠᠨ ᠡᠷᠡᠮᠡᠭᠡᠢᠯᠡᠨ᠂ ᠪᠤᠳᠠᠳᠤ ᠦᠢᠯᠡ ᠠᠵᠢᠯᠯᠠᠭᠠᠪᠡᠷ ᠬᠠᠷᠢᠭᠤᠴᠠᠯᠭᠠ ᠪᠠ ᠡᠭᠦᠷᠭᠡᠯᠡᠯᠢ ᠬᠠᠷᠠᠭᠤᠯᠤᠨ ᠳᠤᠰᠭᠠᠵᠦ᠂ ᠬᠡᠪᠯᠡᠯᠤᠨ ᠦᠢᠯᠡᠰᠦᠨ ᠬᠦᠭᠵᠢᠯᠳᠠᠳᠤ ᠨᠡᠩ ᠶᠡᠬᠡ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠦᠨᠡ ᠭᠡᠵᠦ ᠦᠵᠡᠭᠴᠢᠳ ᠤᠯᠠᠨ ᠢᠯᠡᠳᠭᠡᠵᠦ ᠪᠠᠢᠯᠠ᠃
ᠣᠷᠴᠢᠭᠤᠯᠤᠭᠴᠢ᠄ ᠲᠡᠷᠭᠡᠯ